Golden Eagle Ylli ka regjistruar fitore bindëse prej 94-59 në ndeshjen e zhvilluar si mysafir i Lipjanit.
Një fillimi i fuqishëm, bëri që skuadra që kishte epitetin e mysafirit të shënonte 14 pikë më shumë se kundërshtari në çerekun e parë (11:25).
Edhe në dhjetëminutëshin e dytë, skuadra nga Suhareka ishte dominuese (16:31) duke shënuar 15 pikë më shumë se Lipjani dhe shkoi në pushim me epërsi të lartë.
Në vazhdim, në çerekun e tretë (16:20), basketbollistët e Yllit u kujdesën që ta ruanin rezultatin dhe avantazhin e madh.
Dhe kur përfundoi edhe çereku i katërt (16:18), epërsia e Yllit ishte 35 pikë (94-59).
Me tri fitore dhe tri humbje, Golden Eagle Ylli mban vendin e tretë në tabelë me nëntë pikë.
Lipjani është në vend të fundit dhe ka regjistruar vetëm një fitore dhe pesë humbje. /Telegrafi/