Me rezultat 92-73, Golden Eagle Ylli ka fituar përballë Trepçës në ndeshjen e vlefshme për xhiron e 24 në Superligën e Kosovës në basketboll.
Në takimin e zhvilluar në palestrën “13 Qershori”, Minatorët e nisën më mirë takimin duke e fituar bindshëm çerekun e parë (19:31).
Mirëpo, në dhjetëminutëshin e dytë, nikoqirët bënë një rikthim sensacional duke i shënuar 15 pikë më shumë se kundërshtari (22:7) dhe shkuan në pushim me avantazh.
Ylli vazhdoi të luante më mirë edhe në çerekun e tretë (27:16) duke e ngritur akoma më shumë epërsinë.
Vendasit e fituan edhe pjesëlojën e fundit dhe e fituan takimin me 19 pikë avantazh.
Golden Eagle Ylli pozicionohet në vend të tretë në renditjen e përgjithshme me 38 pikë, nga 14 fitore dhe 10 humbje.
Nga ana tjetër, Trepça është në vend të pestë në tabelë, me 35 pikë, nga 11 fitore dhe 13 humbje. /Telegrafi/