Gold AG vazhdon të jetë ndër reperët më aktivë dhe të ndjekur në rrjetet sociale.
Ai publikon vazhdimisht për fansat fotografi të ndryshme nga përditshmëria e tij, gjersa jo pak herë ka treguar se gëzon respekt të madh për kolegët artistë.
Së fundmi, ai është fotografuar me aktorin e njohur të humorit në Kosovë, Sevdai Radogoshin, që ndryshe njihet si ‘Qumili’.
Këtë fotografi, reperi ka vendosur që ta ndajë me fansat në rrjetin social Instagram.
Në mbishkrimin e fotografisë, ai e ka cilësuar aktorin nga Gjakova si më të mirin në vend, duke e quajtur si “100 rolëshin e humorit shqiptar”.
Fotografia në fjalë është pëlqye dhe ka marrë komente të shumta nga ndjekësit e tij.
Gold AG vazhdon të jetë shumë aktiv edhe në muzikë, ndërsa vetëm pak javë më parë ka publikuar projektin e tij më të ri “Gurbetqari” në bashkëpunim me Shyhrete Behlulin. /Telegrafi/
