Reperi i njohur Gold AG është një emër mjaft i kërkuar nëpër koncerte nga publiku.
Ai është mjaft i ndjekur edhe në rrjetet sociale, ndërsa njihet edhe si mysliman i devotshëm, dhe i përkushtuar ndaj fesë islame.
E me afrimin e muajit të shenjtë të Ramazanit, Gold AG ka një njoftim të rëndësishëm për të gjithë dashamirësit e muzikës së tij.
Ai nuk do të performojë në asnjë koncert, mbrëmje apo aktivitet tjetër muzikor deri në përfundim të Ramazanit.
Përjashtim në këtë rast bëjnë vetëm koncertet humanitare, të cilat reperi nuk do t’i refuzojë në rast se do t’i bëhet ftesë për pjesëmarrje.
Këtë njoftim, Gold AG e ka bërë të ditur përmes një fotografie të publikuar në Instagram Story. /Telegrafi/
