Reperi i njohur Gold AG njihet tashmë për të gjithë si mysliman i devotshëm.
Ai falë të gjitha vaktet brenda ditës, ndërsa me rastin e muajit të shenjtë të Ramazanit, reperi ka anuluar edhe çdo dalje të tij nëpër aktivite të ndryshme muzikore.
Por duket se nderimeve për këtë muaj, dhe shkuarjes në Taravi i është bashkangjitur edhe një politikan i njohur.
Bëhet fjalë për Behgjet Pacollin, i cili mbrëmë (e hënë) ka falur Taravinë bashkë me reperin e njohur.
Këtë gjë e ka treguar edhe vet Gold AG përmes një fotografie të publikuar në rrjetin social Instagram, ku shfaqet pranë Behgjetit, ndërsa në mbishkrimin e fotografisë shkruan: “Pas faljes së Teravive me Bacin. Allahu ua pranoftë të gjithëve namazin, agjërimin dhe çdo lutje të hajrit në këtë muaj” (sic.).
Ndryshe, ai ka treguar se pas fundit të Ramazanit do t’i rikthehet çdo aktiviteti muzikor. /Telegrafi/