Reperi i njohur, Gold AG, në mënyrë krejt të papritur ka konfirmuar se ka kurorëzuar dashurinë e tij.
Ai është tash e sa kohë në një lidhje me një vajzë, të cilën e ka mbajtur larg mediave.
Reperi me prejardhje nga Presheva publikoi të hënën në rrjetin social Instagram një fotografi, ku shfaqeshin dy duar me simbolin e shqiponjës, të cilat kishin të vendosura unazat e kurorëzimit në gishtërinj.
Në përshkrimin e fotografisë, Gold AG shkroi “05.03.2020”, duke bërë kështu të ditur se ka kurorëzuar dashurinë e tij katër ditë më parë.
Ndërkohë, të shumta kanë qenë urimet nga ana e ndjekësve që reperi dhe e fejuara e tij kanë pranuar nga ta në hapësirën për komente.
Gold AG është një emër shumë i pëlqyer në muzikën hip-hop, teksa është i njohur për numrin e madh të këngëve me temë patriotike. /Telegrafi/