Reperi i njohur shqiptar, Gold AG, ka publikuar së fundmi këngën e tij më të re “Prishtina” në bashkëpunim me Albina Kelmendi.
Kënga e cila i këndohet kryeqytetit kosovar, është pritur me kritika nga një pjesë e fansave.
Sipas tyre kënga nuk përbën sens për dy interpretuesit, kjo pasi njëri është me prejardhje nga Prishtina e tjetra nga Peja.
Ky ka qenë mendimi që ka dhënë një prej komentuesve, i cili ka rënë edhe në syrin e reperit Gold AG.
Ndërkohë ky i fundit nuk ka hezituar t’i kundërpërgjigjet, duke publikuar fotografinë e letërnjoftimit, me vendlindjen e nënvizuar, e cila ishte Prishtina.
“A jemi në rregull tash a ta fshi këngën”, ka qenë kundërpërgjigja e reperit, emri i vërtetë i të cilit është Arian Agushi.
Gold AG përndryshe është me prejardhje nga Presheva, teksa është lindur e rritur në Prishtinë. /Telegrafi/