Gold Ag ka folur rreth pajtimit të tij me Getoar Selimin, pasi një fotografi e përbashkët e dy reperëve bëri bujë mediatike.
Arian Agushi ka thënë se “burrë është ai që fal” dhe se njerëzit falin gjakun e fëmijës e le më mosmarrëveshjet e tilla që kanë të bëjnë me muzikën.
“Së pari e kam bërë për hir të Zotit. E dyta e kam bërë për hir që jemi shqiptarë, edhe fansat e mi me fansat e tij të mos shikohen kurrë shtrembër ose të mos shahen dhe të mos kenë problem mes vete. Se jemi popull i vogël, kështu që nuk na takon neve që për muzikë t’i shtimë ata në sherr”, ka thënë Gold Ag për Prive.
Reperi madje ka theksuar se i ka larguar nga YouTube ‘diss-at’ që ia ka dedikuar Getit në të kaluarën. Ndërsa në të ardhmen nuk e hedh poshtë mundësinë e një bashkëpunimi me Ghetto Geasy.
Ndërkaq, pajtimi në mes të Goldit dhe Geti nuk ka qëndruar pa u komentuar nga Noizy, i cili ka rivalitet me të dyja palët.
Por, Ariani thotë se Rigels Rajku ka marrë sharje më të rënda dhe pastaj është pajtuar. Për më shumë, ndiqeni rrëfimin e Gold Ag. /Telegrafi/
