Reperi i njohur, Gold AG, është i njohur për këngët e tij të shumta me motive patriotike.
Ai u ka dedikuar këngë shumë heronjve të luftës, gjersa nuk ka munguar edhe nëpër akademi përkujtimore të organizuara në nderim të të rënëve për liri.
Së fundmi, reperi ka bërë homazhe te varri i komandantit legjendar, Adem Jashari, në kompleksin memorial në Prekaz të Skënderajt.
Ai ka publikuar një fotografi nga kjo vizitë e tij te varri i komandantit të ndjerë, teksa ka shkruar në mbishkrimin e saj atributet fetare që karakterizonin Adem Jasharin, siç ishte agjërimi në Muajin e Shenjtë të Ramazanit.
“Emri yt i vjetër mbetet veç i ri, sa herë k’tu që vi e bëj lutje për ty…Në këtë ditë Ramazani komandant mu kujtu a agjëron kur t’kan pyt, the normal që po se nuk ka faj Zoti që n’qaf na kan hyp shkit”, ka shkruar Gold AG në Instagram. /Telegrafi/