Milani është gati të nisë negociatat me menaxherin e lojtarit të kombëtares së Guinesë, Serhou Guirassy. Bëhet fjalë për sulmuesin e Shtutgartit i cili shënoi 18 gola në 13 paraqitje këtë sezon dhe shtoi dy asistime.
Edhe pse me 16 gola ai është aktualisht golashënuesi i tretë më i mirë në Evropë (pas Harry Kane të Bayernit dhe Santiago Gimenez të Feyenoord me 18 gola), Milani mund ta marrë atë për vetëm 17.5 milionë euro sepse ka një klauzolë të tillë në kontratë.
Gazetari Nicolo Schira zbulon se skautët e Milanit e kanë parë disa herë sulmuesin nga Guinea, por gjigantët italianë nuk janë të vetmit që duan ‘vrasësin’.
Kontrata e Guirassy me Stuttgartin është e vlefshme deri në verën e vitit 2026, ndërsa faqja e specializuar Transfermarkt e vlerëson në 40 milionë euro.
#ACMilan are ready to open talks with Serhou #Guirassy’s agent to try to sign #Stuttgart’s striker, who has a release clause of €17,5M. #Moncada and #Milan’s scouts have watched him several times in the last 2 months. #transfers https://t.co/JZp0a9Csjf
— Nicolò Schira (@NicoSchira) December 7, 2023
Guirassy është në pritje të një transferimi të karrierës
Guirassy ka lindur në Arles dhe ka luajtur për ekipet kombëtare të të rinjve të Francës. Vitin e kaluar, ai vendosi të luajë për kombëtaren e Guinesë, për të cilën shënoi tre herë në 12 ndeshje.
Në vitet e tij si i ri, ai luajti për Stade Laval, dhe në vitin 2015 u soll nga Lille. Shumë shpejt ai përfundoi në huazim në Auxerre dhe një vit më vonë u ble nga Kolni për 3.8 milionë euro.
Ai qëndroi në Koln për tre vjet, kur Amiens e bleu për gjashtë milionë euro, me faktin se ishte edhe ai i huazuar. Ai bëri një transferim të madh në 2020 sepse Rennes e pagoi 15 milionë euro.
Pasi kaloi një sezon në huazim në Shtutgart, klubi gjerman e bleu atë këtë verë për nëntë milionë euro. Ai mund të bëjë një transferim të karrierës në të ardhmen e afërt. /Telegrafi/