Një video që po qarkullon në internet shfaq një burrë i cili pa pikë turpi godet me grusht në fytyrë policin në Nju Jork, i cili më pas detyrohet t’ia hapë derën e veturës qenit që e kishte brenda që i vërsulet të dyshuarit.
Randy Martinez, 23-vjeç, që jeton në Njuburg, ka deklaruar se po dilte nga shtëpia me një mik kur pa një burrë i identifikuar si Toni Man, 31-vjeç, që e kishte kërcënuar me thikë, raporton Fox News, transmeton Telegrafi.
“E hapa dritaren për t’i thënë që nuk mund të qëndrojë në pronën time, por ai menjëherë nxori thikën”, ka deklaruar Randy i cili pranoi se ishte frikësuar dhe menjëherë i kishte telefonuar duke marrë parasysh se familjarët e tij ishin brenda shtëpisë.
Me të mbërritur policia në vendin e ngjarjes, ai kishte filluar të filmojë gjithçka. Në videon që u bë virale për pak minuta, shihet se si polici tenton të bisedojë me burrin që bënte lëvizje të çuditshme para se ta godiste policin Roman Skondroni.
Aty menjëherë polici hapi derën e pasme të veturës zyrtare, nga e cila doli qeni që menjëherë e kafshoi të dyshuarin në dorë. E videoja ka shkaktuar reagime në rrjetet sociale. Derisa një pjesë mendon se i dyshuari e ka merituar, disa tjerë besojnë se reagimi i policisë ishte tepër brutal.
I dyshuari për të cilin besohet se ishte nën ndikim të drogës, pritet të ngritet padi për sulm fizik të shkallës së tretë, rezistencë gjatë arrestimit si dhe kërcënim me vdekje. /Telegrafi/
