Mbrëmjen e së martës një grua është goditur për vdekje nga një automjet në lëvizje në rrugën nacionale Prizren-Gjakovë.
Zëdhënësi i Policisë së Kosovës për Rajonin e Prizrenit Shaqir Bytyqi ka thënë për Telegrafin se viktima është një grua e moshës rreth 65-vjeçare.
“Sot me datë 28.02.2023, rreth orës 18:50 është raportuar një aksident trafiku – goditje e këmbësorit me fatalitet. Rasti ka ndodhur në rrugën nacionale Prizren-Gjakovë saktësisht ne fshatin Piranë përball pompës. Sipas informatave të para viktima është e gjinisë femërore 65-vjeçare”, ka thënë ai.
Ai ka thënë se lidhur me rastin një i dyshuar 25-vjeçar është dërguar në mbajtje për 48 orë, derisa e ndjera është dërguar për obduksion në Institutin e Mjekësisë Ligjore./Telegrafi/