Edicioni i fundit i “Big Brother VIP” ka arritur në pikën e tij kulmore me një gjysmëfinale të mbushur me emocione dhe një fillim madhështor që ka lënë publikun dhe banorët e mbetur të befasuar.
Protagonistët e kësaj nate nuk kanë qenë asgjë më pak se ish-banorët e shtëpisë, të cilët janë rikthyer në skenë për të dhënë një performancë që ka kapur vëmendjen e të gjithëve.
Spektakli i gjysmëfinales është hapur me një koreografi të jashtëzakonshme kërcimi, ku ish-banorët kanë bashkëpunuar ngushtë me trupën profesionale të baletit për të krijuar një moment të paparë.
Nën ritmet e muzikës dhe me një harmoni të përkryer, ata kanë lënë pas dhimbjen e garës dhe rivalitetet për të sjellë para audiencës një shfaqje e cila ka qenë ndërthurje e artit dhe sportit.
Publiku që ka ndjekur me besnikëri spektaklin ka qenë i rrëmbyer nga ky fillim, duke ngritur pritshmëritë për atë që pritet të jetë një mbrëmje e paharrueshme e gjysmëfinales. /Telegrafi/
