Nuk ka dyshim se sulmuesi i Arsenalit, Alexandre Lacazette, është zhgënjyer pas një mundësie të artë për të shënuar që e humbi në ndeshjen kundër Liverpoolit në Anfield.
Francezi e zhbllokoi rezultatin pas një gabimi nga Andy Robertson në minutën e 25-të të takimit. Mirëpo, vetëm tri minuta më pas Sadio Mane e barazoi rezultatin, kurse Robertson e përmirësoi gabimin duke e kthyer rezultatin në favor të vendasve.
Në vazhdim, Lacazette e pati mundësinë që ta barazonte rezultatin për Topçinjtë. 29-vjeçari u gjet i vetëm përballë portierit Alisson Becker në zonë, mirëpo goditja e tij përfundoi në trupin e gardianit të Redsave.
Ndërkaq, të zhgënjyer nuk mbetën vetëm lojtarët dhe tifozët e Arsenalit, por edhe gjyqtari i takimit, Craig Pawson.
Kamerat e kanë kapur reagimin e gjyqtarit që ndau drejtësinë në kryendeshjen e xhiros së tretë në Ligën Premier që është bërë hit në rrjetet sociale.
Liverpooli i shënoi edhe dy gola të tjerë deri në fund të takimit për ta fituar bindshëm sfidën. /Telegrafi/
Referee Craig Pawson is an Assnal fan 😂😂😂 pic.twitter.com/V0PgbGrn0Z
— Jhu_Nea (@Asem_b3ba_dabi) September 28, 2020