Gjyqtari që ia mohoi golin e rregullt Lionel Messit ndaj Valencias në La Liga, Ignacio Iglesias Villanueva ka bërë edhe një gabim trashanik.
Java e fundit e nëntorit ishte një javë e vështirë për gjyqtarin e njohur spanjoll.
Kjo pasi Ignacio Iglesias Villanueva ka vazhduar me gabime trashanike brenda futbollit spanjoll.
Pasi nuk pranoi golin e pastër të Lionel Messit në Mestalla ndaj Valencias të dielën, ai solli polemika edhe në Copa del Rey.
Gjyqtari kryesor i takimit akordoi një penallti në favor të Espanyol për shkak të një prekje të topit me dorë nga lojtari i Tenerifes, Jorge Saenz.
Megjithatë, prekja e topit nga Saenz u bë qartë jashtë zonës dhe vendimi i gjyqtarit irritoi të gjithë.
Incidenti ndodhi në minutën e 34 të ndeshjes të së enjtes kur një goditje nga Alvaro Vazquez u bllokua nga lojtari i Tenerifes.
Topi u ndal në mënyrë të qartë nga dora e lojtarit, por në një distancë të konsiderueshme nga vija e 16-metërshit.
Megjithatë, Iglesias Villanueva, i cili nuk ishte larg rastit dha një penallti pavarësisht nga protesta të ashpra nga ekipi ishullor. /Telegrafi/
Rastin e penalltisë mund ta ndiqni nga minuta 1:11:
https://www.youtube.com/watch?time_continue=71&v=AG5dzCZFDHo