Gjykata në Suedi e shpalli sot fajtor një kurd me origjinë turke për përpjekjen për të financuar Partinë e jashtëligjshme të Punëtorëve të Kurdistanit (PKK), e cila u rebelua kundër shtetit turk në vitin 1984.
Vendimi vjen në një kohë të ndjeshme për marrëdhëniet e Suedisë me Turqinë, presidenti i së cilës Erdogan po bllokon hyrjen e saj në NATO, duke pretenduar se mbron mbështetësit e grupeve militante që i konsideron terroriste.
Presidenti amerikan Joe Biden mbështeti dje hyrjen e Suedisë në NATO, në një bisedë me kryeministrin Ulf Kristersson, transmeton Telegrafi.
“Gjykata e qarkut dënon një kurd me origjinë turke për përpjekjen për të ushtruar presion ndaj një biznesmeni kurd në Stokholm, për t’i paguar para PKK-së me armë,” tha gjykatësi Mans Ëigen.
“Përpjekja për shantazh u bë si pjesë e aktivitetit të grumbullimit të parave në shkallë të gjerë që po kryen PKK në Evropë, pra zhvatjes”, theksoi ai.
“Gjykata e dënoi kurdin me katër vjet e gjysmë burg për tentativë zhvatjeje, krim të armatosur dhe financim të terrorizmit”, thuhet në vendim.
“Ai duhet të dëbohet nga Suedia dhe të ndalohet kthimi për një kohë të pacaktuar”, tha gjykata. /Telegrafi/