Gjykata Kushtetuese do të vendos nëse ministri i financave Kiril Minovski, mund ose jo të nënshkruaj pagesën e subvencioneve në këtë periudhë.
Nga Gjykata kushtetuese për Alsat-M konfirmuan se tashmë kanë formuar lëndë, por nuk tregojnë se kur do të vendoset në rend të ditës kjo pikë. Edhe pse për seancën e radhës të caktuar për 10 maj nuk është planifikuar kjo çështje, kjo nuk do të thotë se ajo nuk mund të vihet në mënyrë plotësuese.
Bujqit në protestat e sotme porositën se do të japin afat deri të premten për takim mes ministrave të bujqësisë, Mihail Cvetkov dhe atij të financave Kiril Minovski. Në të kundërtën njoftuan se gjatë fundjavës do të koordinohen me gjithë bujqit e rajoneve dhe do të vendosin se si do të reagojnë./Telegrafi/