Gjykata e Posaçme GJKKO ka lënë në fuqi masat e sigurisë për ish-kryebashkiakun e Kukësit dhe gruan që u shfaq me të në videon erotike.
Safet Gjici do të vazhdojë në arrest me burg, ndërsa Alma Kaçi në arrest shtëpie.
Gazetari i Euronews Albania, Eni Ferhati raportoi se si në hyrje ashtu dhe në dalje nga institucioni, Alma Kaçi nuk ka pranuar t’iu përgjigjet pyetjeve nga media duke mbuluar me çantën e saj fytyrën.
“Nga ana tjetër megjithëse avokati i Gjicit, Kulluri ka kërkuar një masë më të lehtë sigurie se ajo e arrestit me burg, ashtu si Prokuroria e Posaçme ka qenë kundër një kërkese të tillë dhe gjykata ka vendosur që të mos lehtësojë masën e sigurisë”, u shpreh Ferhati. /Telegrafi/