Banorët lagjes “Mbretëresha Teutë” në Prishtinë janë shqetësuar nga të shtënat me armë në pasditën e së dielës.
Pas raportimit, ka reagur policia të cilët kanë identifikuar dy persona të dyshuar.
Rastin e ka bërë të ditur, zyrtarja për informim e policisë, Flora Ahmeti
“Rreth orës 14:45 është raportuar për gjuajtje me armë zjarri në rrugën ” Mbretëresha Teutë” në Prishtinë. Policia menjëherë ka dalë në vendin e ngjarjes dhe ka ndërmarrë të gjitha veprimet e nevojshme policore”, tha Ahmeti.
Ajo ka thënë se nga veprimet e para policore janë identifikuar dy persona si të dyshuar të mundshëm të përfshirë në rastin në fjalë.
“Aktualisht po vijon puna hetimore me qëllim zbardhjen e plotë të rrethanave të kësaj ngjarjeje”, u shpreh Ahmeti./Telegrafi.