Gjuajtje me armë në një parking të Mitrovicës, nuk ka të lënduar.
Gjuajtje me armë në një parking të Mitrovicës ka ndodhur rreth orës 17:00 në mes të dy personave.
Zëdhënësi i Policisë së Kosovës për rajonin e Mitrovicës në një prononcim për Telegrafin tha se dyshohet që si shkas i një mosmarrëveshjeje për parking, ka pas gjuajte me armë, mirëpo sipas tij s’ka të lënduar.
Zahiti tha se në vendin e ngjarjes janë gjetur një armë e cila është konfiskuar dhe një gëzhojë.
Rasti është duke u hetuar nga Policia. /Telegrafi