Policia ka sekuestruar mbrëmë dy armë zjarri të cilat dyshohet se janë përdorur në aheng familjar.
Kontrolla është realizuar nga Policia e rajonit të Prishtinës.
Sipas Policisë, akoma është prezent si dukuri përdorimi i armëve të zjarrit në ndeja dhe ahengje të ndryshme, dhe strukturat operative rajonale të Policisë po vazhdojnë punën për parandalimin e kësaj dukurie.
“Policia obligohet që në rastet e tilla të filloj kërkimin për armët e përdorura në rast, të ndaloj kolonat e dasmorëve për t’i kontrolluar ato dhe personat e dyshuar dhe në situata të caktuara të ndërmarrë edhe bastisje në shtëpitë ku dyshohet për raste të tilla”, thuhet në njoftim.
Policia u ka bërë thirrje qytetarëve që për arsye të sigurisë t’i shmangin veprimet e tilla.
