Presidenti i Maqedonisë Gjorge Ivanov, i shoqëruar nga gruaja e tij Maja Ivanova, prej sot do të qëndrojë për vizitë zyrtare dy ditore në Republikën e Moldavisë.
Siç njoftojnë nga kabineti i tij, Ivanov në Kishinjev do të pritet nga presidenti i Moldavisë, Igor Dodon, përcjell Telegrafi Maqedoni.
Është planifikuar që dy presidentët të kenë takim kokë më kokë, ndërsa më pas dy delegacionet do të mbajnë takim.
Në kuadër të vizitës në Moldavi, Ivanov do të realizojë takim edhe me kryeministrin Pavel Filip dhe kryetarin e Kuvendit të Molldavisë, Andrian Kandu./Telegrafi/