Gjon Karrica është po ashtu një nga personazhet më të dashur për publikun nga Big Brother VIP Kosova.
Ai ka fituar zemrat e publikut me lojën që po bën brenda, pozitivitetin që po përcjell e mes tjerash edhe për batutat që herë pas here lëshon.
I njëjti së fundmi brenda shtëpisë është intervistuar nga banori Fis Juniku, ku ka rrëfyer fillimet në karrierë.
Gjoni tregon se ka lindur në Gjakovë dhe se ka filluar të merret me muzikë që në moshë të re.
“Unë jam i lindur në vitin 1984. Kam lindur në Gjakovë. Vitet e para që unë kam filluar të merrem me muzikë kanë qenë rreth moshës shtatëvjeçare. Më shumë kam bërë për vete. Si çdo tjetër, kam filluar vetëm të bëj. Në atë kohë ishte vëllai im dhe nëna ime të cilët i futesha, unë isha nën tavolinë dhe ata më kanë bërë ‘beat’-in”, u shpreh ai.
Por, që Lugati shton se filloi të bënte këngë në mënyrë profesionale në vitin 2008.
“Në mënyrë profesionale ka qenë viti, unë kam kënduar gjithmonë. Në vitin 2008 e kam bërë një album, i cili nuk ishte i suksesshëm dhe atëherë vazhdova në vitin 2013. Kishte shumë faktorë që albumi nuk ishte i suksesshëm kur të jetosh jashtë ta rregullosh një dritare nga Zvicra është e pamundur sidomos në atë kohë po flasim për vitin 2007-2008 kur interneti dhe këto gjërat e tjera nuk kanë qenë prezent”.
Ai tutje theksoi se në vitin 2014 ka fituar çmimin e parë dhe që atëherë ka qenë më i angazhuar me këngë e projekte të reja.
“Kam filluar në vitin 2012 duke provuar diçka në studio dhe erdhi kënga Lugati që u prit shumë mirë. Kështu nisi duke u rritur puna. Në vitin 2014 mora çmimin e parë”, thotë artisti i njohur. /Telegrafi/
