I gjithë stadiumi i Juves iu bashkua Ronaldos në thirrjen e tij të njohur “SI” gjatë festës

Cristiano Ronaldo e festoi mbrëmë titullin e tij të parë në Serie A me Juventusin, duke bërë thirrjen e tij të famshme “SI”, në të cilën iu bashkëngjiten mbi 40 mijë tifozë të pranishëm në Allianz Stadium.

Bianconerët e festuan titullin e tetë me radhë në ligën e Italisë në barazimin 1-1 ndaj Atalantas, derisa secilit lojtari iu dha një hyrje e veçantë nga tuneli dhe rikthimi në fushë.

Pasi i përshëndeti të gjithë fëmijët që kishin krijuar një korridor, Ronaldo bëri festimin e tij të famshëm para 40 mijë tifozëve të pranishëm në stadiumin e Juventusit.

Pesëherë fituesi i Topit të Artë u shpall lojtari më i mirë në Serie A para disa ditësh, ndërsa është bërë edhe lojtari i parë që arrin të fitojë trofe në katër liga të ndryshme evropiane.

Ronaldo e përdor “SI” nga spanjollët , që në gjuhën shqipe do të thotë “PO” – që nga koha kur ishte pjesë e Real Madridit, por që për herë të parë u përdor në vitin 2015 kur e fitoi Topin e Artë.

Lexo po ashtu Të gjitha lajmet nga Cristiano Ronaldo

“Thirrja? Lojtarët e dinë se unë bëjë kështu sa herë që shënoj gol ose kur ne fitojmë. Është një thirrje ekipore, që e kam praktikuar edhe te Real Madridi”, ka thënë portugezi. /Telegrafi/