I gjithë New Yorku sytë kah Rita Ora, këngëtarja shqiptare i mahnit të gjithë me performancën e saj në Ditën e Falënderimeve

Në Shtetet e Bashkuara të Amerikës, sot (e enjte) po kremtohet e ashtuquajtura “Dita e Falënderimeve”.

Qytetarë të shumtë kanë dalë jashtë për të parë të afërmit e tyre, teksa në mbrëmje do të shtrojnë darkë për të falënderuar secilin për dashurinë që dhurojnë.

Kjo festë po kremtohet në një mënyrë vërtet glamuroze edhe në New York, në qendrën e të cilit është organizuar një karnaval i madh.

Pjesë e këtij mardhi ka qenë edhe krenaria e shqiptarëve, këngëtarja shqiptare me famë botërore, Rita Ora.

Ajo ka qenë e ftuar për të performuar para publikut njujorkez, ndërsa i ka argëtuar të gjithë me këngët e saj hite.

Në disa prej imazheve të publikuara në rrjetet sociale, Rita duket të ketë qenë shumë entuziaste për këtë festë, ndërsa u uronte të gjithë fansave të saj Ditën e Falënderimeve.

E veshur me një xhup të zi dhe pamjen e saj prej bionde, këngëtarja shqiptare arriti që të pushtojë zemrat e gjithë të pranishmëve.

Ora ka interpretuar hitet e saj të fundit si “Your Love”, “Anywhere”, “Let you love me”.

E premtja e kësaj jave do të jetë një prej ditëve më të rëndësishme të karrierës së saj, kjo pasi në këtë datë ajo do të lansojë albumin e saj të dytë, “Phoenix”. /Telegrafi/