Vetëm një pikë është diferenca e pikëve në krye të tabelës së Superligës së Kosovës në futboll, ndërmjet vendit të parë dhe të dytë, derisa pozita e tretë ka dy pikë më shumë se lideri.
Kur kanë mbetur edhe dy xhiro deri në fund të kampionatit, gara për titull është jashtëzakonisht e zjarrtë.
Drita (65), Gjilani (64) dhe Ballkani (63), janë në luftë të drejtpërdrejtë për titullin e kampionit të Kosovës.
Në xhiron e parafundit, të 32-tën me radhë që zhvillohet në mesjavë, Drita është nikoqir i Drenicës në përpjekje për të arkëtuar pikë të plota dhe për ta mbajtur primatin në tabelë.
Nga ana tjetër, kryendeshja e kësaj xhiroje do të zhvillohet ndërmjet Gjilanit dhe Ballkanit. Barazimi nuk i konvenon asnjërës prej këtyre skuadrave, prandaj dueli pritet të jetë i zjarrtë dhe përcaktues për titull.
Vlen të përmendet se në xhiron e fundit, të 33-tën, Drita udhëton te Ballkani, kurse Gjilani është mysafir i Flamurtarit. /Telegrafi/
