Neymar përfundimisht thuhet se do të rikthehet te Barcelona në afatin kalimtar veror.
Ylli brazilian kishte tentuar një gjë të tillë edhe në verën e vitit 2019, mirëpo Paris Saint-Germain nuk e kishte lejuar te largohej.
Diario Sport raporton tani se Blaugranasit kanë gati planin se si të rikthejnë sulmuesin problematik në Camp Nou në fund të edicionit.
28-vjeçari thuhet se ka refuzuar të vazhdojë kontratën me skuadrën franceze, derisa ajo aktuale i skadon në vitin 2022.
Në anën tjetër, kampioni i La Liga-s është duke përgatitur shkëmbim lojtarësh dhe një shumë të parave.
Në ofertë pritet të përfshihet Ousmane Dembele dhe një shumë parash, derisa parisienët mendohet se do ta pranojnë ofertën e katalunasëve. /Telegrafi/