Kryetari i Komunës së Gjakovës, Ardian Gjini, ka vizituar policin Hysen Ademi, i cili u plagos gjatë aksionit të sotëm të Policisë së Kosovës në veri të Mitrovicës.
Ai u transferua pasditen e sotme nga spitali i Mitrovicës për në Spitalin Rajonal “Isa Grezda“ në Gjakovë, ku po vazhdohet trajtimi i tij mjekësor.
Kryetari Gjini u shpreh i lumtur që gjendja shëndetësore e Hysenit është stabile dhe jashtë rrezikut për jetë dhe shprehu gatishmërinë institucionale dhe njerëzore për çdo ndihmë të nevojshme.
Ndryshe njësitë Speciale të Policisë së Kosovës mëngjesin e sotëm kanë ndërmarrë një aksion në katër komunat veriore të vendit me shumicë serbe. Ky aksion ka përfunduar rreth orës 11:30.
Në këtë aksion 19 zyrtarë policorë të arrestuar, të njëjtit suspendohen nga detyra dhe ndalohen për 48 orë./Telegrafi/
