SC Gjilani ka njoftuar se gjatë afatit kalimtar të janarit ka ndarë bashkëpunimin me katër futbollistë.
Kuqebardhët u riorganizuan pas problemeve financiare, por gjatë afatit kalimtar të janarit u larguan edhe katër futbollistë.
Portieri Arion Ymeri, mbrojtësit Fabjan Beqja e Besart Krivanjeva si dhe mesfushori Agustin Torasa janë katër emrat e larguar nga SC Gjilani.
Gjilani ka falënderuar katër futbollistët për kontributin e dhënë.
Njoftimi i plotë nga SC Gjilani:
Sport Club Gjilani komunikon mbylljen e bashkëpunimit me futbollistët Arion Ymeri, Fabjan Beqja, Besart Krivanjeva dhe Agustin Torassa.
Klubi falënderon publikisht gjithë futbollistët për angazhimin dhe kontributin e dhënë me fanellën ‘kuqebardh’, duke u dëshiruar njëherit fat dhe sukses në karrierën sportive. /Telegrafi/