Skuadra e Gjilanit ka fituar në përballje me Trepçën ’89 me rezultat të pastër 2-0.
Gjilani hyri në këtë takim pas dy ndeshjeve pa fitore dhe ishte në presion për t’i marrë tri pikët.
Kësisoj vendasit rrezikuan të parët me Haxhimusën por nuk u tregua i saktë.
Në minutën e 26-të erdhi edhe goli i parë në këtë sfidë, kur Gëzim Rusi realizoi pas një goditje të bukur.
Gjilani kishte mundësi të dyfishonte rezultatin në pjesën e parë kur pas një harkimi nga Rusi, kapiteni i mysafirëve Potoku për pak sa nuk shënoi autogol.
Gjithsesi me epërsinë minimale të vendasve 1-0 përfunduan 45 minutat e para të kësaj sfide.
Pjesa e dytë nisi mirë për kampionët që sulmonin vazhdimisht portën e vendasve.
Portieri Kaçiu e largoi topin nga vija fatale edhe pse mysafirët pretenduan se topi kishte kaluar vijën por kështu nuk mendoi gjyqtari anësorë Alban Ejupi.
Në minutën e 56-të, Përparim Islami harkoi bukur në zonë, ndërsa Arb Manaj qëlloi shtyllën.
Rastet e humbura i kushtuan 89-shit pasi Gjilani realizoi golin e dytë në minutën e 60.
Mbrojtja mysafire gaboi ndërsa topi shkoi deri te Betim Haxhimusa e cili me një goditje të fortë shënoi për 2-0.
Kësisoj Gjilani rikthehet te fitorja pas dy takimeve dhe tani zë pozitën e pestë me 43 pikë të grumbulluara.
Ndërkohë Trepça ’89 ndodhet një pozitë më poshtë me pikë të barabarta.
Në ndeshjen e javës së 29-të, skuadra e Alban Hysenit do të luaj në udhëtim te Liria.
Ndërkohë kampioni në fuqi i Kosovës, Trepça ’89 do të jetë nikoqire e Flamurtarit në ‘Riza Lushta’. /Telegrafi/