Gjilani dhe Ledjon Muça i ka ndarë rrugët pas gjashtë muajsh bashkëpunim.
Ka qenë klubi vetë që e ka njoftuar ndarjen mes palëve.
“Gjilani sot ka mbyllur bashkëpunimin me lojtarin e ardhur gjatë afatit kalimtar të verës, Ledjon Muçën”.
“Ndërprerja e marrëveshjes erdhi në mirëkuptim të dyanshëm dhe që nga dita e sotme, Ledjon Muça nuk është më pjesë e skuadrës së Gjilanit”.
“Klubi e falënderon futbollistin dhe i uron suksese në karrierën e tij futbollistike”, thuhet në njoftimin e klubit.
Lojtari nuk ka arritur ta bëjë diferencën për çka kishte ardhur në Gjilan.
Në anën tjetër në ditën e sotme skuadra është rikthyer tek përgatitjet parasezonale pas pushimit që e kishin të hënë.
Në grumbullimin e sotëm prezent ishin të gjithë futbollistët. /Telegrafi/