Gjilani ka arritur të shënojë fitore si vendas me Dukagjinin me rezultat 1-0.
Ndeshja e zhvilluar në stadiumin e qytetit në Gjilan, u vendos me një gol të shënuar në pjesën e parë.
Gjilanasit kanë pasur disa raste në fillim të ndeshjes, por që nuk arritën ta gjenin portë.
Zhvillohej minuta e 45-të kur Tomislav Busiç me qetësi brenda zonës e dërgon topin drejt rrjetës për 1-0.
Me këtë gol u mbyll edhe pjesa e parë.
Në pjesën e dytë nuk kishte edhe aq shumë raste, por veçohen dy të Gerhard Prognit, në minutat e fundit të cilit nuk përfunduan në portë.
Me këtë fitore Gjilani ngjitet në pozitën e tretë në renditje me 18 pikë, aq sa ka edhe Drita e dytë, ndërsa Dukagjini mbetet në pozitën e fundit me katër pikë. /Telegrafi/