Gjilani e ka mposhtur Malishevën në kuadër të javës së dytë të Albi Superligës së Kosovës me rezultat 1-0.
Gjilanasit e filluan mjaft mirë ndeshjen ndaj mysafirëve që e zhvilluan takimin e parë për edicionin 2022/23.
Pjesa e parë përfundoi pa gola, por 45 minutat e dytë nisën me një ritëm edhe më të lartë.
Ishte minuta e 67-të e takimit, kur Gjilani kaloi në epërsi, që në fund doli të ishte i fitores për ta.
Malisheva tentoi deri në fund që të shënonte golin e barazimit, por Gjilani ishte mjaft mirë i organizuar në mbrojtje.
Kjo ishte fitorja e dytë për Gjilanin në po aq ndeshje të luajtura dhe kanë gjashtë pikë, ndërsa Malisheva e nisi sezonin e ri me disfatë. /Telegrafi/
Standings provided by SofaScore LiveScore