Reperi i njohur shqiptar, Gjiko, vazhdon të jetë një prej emrave më të pëlqyer të muzikës hip-hop në vend.
Ai është shumë i ndjekur edhe në rrjetet sociale, përmes së cilave shpesh ndan me ndjekësit fotografi dhe video të ndryshme nga jeta e përditshme.
Së fundmi, Gjiko ka treguar përmes një ‘selfie’ të publikuar në InstaStory se ka humbur gjithsej 10 kilogramë.
Tutje, reperi nga Peja përmes një shkrimi ka bërë të ditur edhe mënyrën se si i humbi këto kilogramë.
“Një shujtë në ditë, dietë ketogjenike dhe crossfit”, ka shkruar Gjiko në InstaStory.
Përndryshe, ai pritet që gjatë muajve në vazhdim të prezantojë për fansat projektin e tij më të ri muzikor. /Telegrafi/