Duket se treshja e famshme e përbërë nga: Gjiko, Ledri Vula dhe Lumi B janë bërë sërish bashkë për një projekt të ri.
Veçse kësaj here, atyre duket t’iu jetë bashkuar edhe DJ Flow.
Të tre reperët e njohur të skenës kanë ndarë me ndjekësit e tyre në rrjetet sociale imazhe të ndryshe, nga ku kanë paralajmëruar se janë në përfundim e sipër të projektit të ri.
Fotografitë duket se përfshijnë një skenë interesante nga xhirimet e klipit, ku rap-artistit mund të shihen teksa gostisin në një tryezë me pije dhe ushqime të ndryshme.
“Ça bone”, kanë shkruar ata në mbishkrimin e fotografive të ndara me ndjekësit në Instagram, duke bërë të aludohet se ky mund të jetë titulli i këngës së tyre të re.
Të njëjtët kanë bashkëpunuar më parë edhe në këngët e suksesshme si: “Shtrejt”, “Pablo” dhe “Messi (Remix)”.
Ashtu si prodhimet muzikore të lartpërmendura, pritet që edhe kënga e tyre e ardhshme të ketë të njëjtën vulë prodhimi, atë të kompanisë Red Box Entertainment. /Telegrafi/