Në ditën e 15-të të tërmeteve që shkaktuan shkatërrime të mëdha në shtetin turk, kanë ndodhur edhe dy tërmete të fuqishme në këtë vend. Ekspertët thonë se tash duhet të përgatitet Stambolli.
Agjencia turke e Menaxhimit të Fatkeqësive dhe Emergjencave (AFAD) njoftoi se tërmeti i parë i sotëm ishte me magnitudë prej 6.4 ballësh ndërsa i dyti me 5.8 shkallësh të Rihterit.
Ndërkohë, gjeoshkencëtari tuk, Prof. Dr. Naci Gorur ka reaguar duke pohuar se provinca që u godit sonte, Hatay, për një kohë më nuk do të ketë probleme me tërmete.
“Hatay e ka zbrazur energjinë e saj; koha po ikën për Stambollin, nëse nuk përgatitemi, do të jetë shkatërrues për vendin tonë”, pohoi ai për t24.
“Unë dhe miqtë e mi gjeoshkencëtarë i bëmë këto paralajmërime, por askush nuk na dëgjoi dhe nuk na dëgjoi. Jo vetëm që nuk u konsultuam, por edhe fotografia e tërmeteve në Kahramanmaras tregonte se nuk kishte përgatitje të mjaftueshme”, shtoi Gorur.
Ndërkohë, Ministri i Brendshëm, Suleyman Soylu njoftoi se tre persona kanë humbur jetën dhe 213 persona janë dërguar në spitale.
Theksojmë se në disa prej spitaleve kanë nisur evakuimin e pacientëve pasi frikësohen se ndërtesat do të shemben.
Ndryshe, tërmetet e 6 shkurtit kanë shkaktuar vdekjen e mbi 41 mijë personave në Turqi. /Telegrafi/
Footage inside #Hatay airport shows the moment when today's 6.4 earthquake struck the #Turkiye–#Syria border. #deprem #turkeyearthquake2023 #earthquake #hataysamandağ pic.twitter.com/6pEoEoKOzh
— Ashraful Islam (@islam_ashik09) February 20, 2023