Këngëtarja Dua Lipa është shndërruar në një prej këngëtareve më të dashura për publikun në mbarë botën.
Përveç muzikës ajo shquhet edhe për pamjen dhe stilin e saj unik, dhe është shndërruar në idhullin e shumë adoleshentëve që e pëlqejnë muzikën e saj, dhe do donin të ishin si ajo.
E njëra nga to duket se e ka këtë fat, të paktën për nga pamja e jashtme.
Është kjo Hilda Kërtalli, një nxënëse e gjimnazit “Qemal Stafa”, në Tiranë.
Me tipare të theksuara si: buzë, flokë dhe vetulla, Hilda duket sikur të ishte motra binjake e Duas.
Kjo ngjashmëri sidomos përkon me kohën kur Dua mbante flokë më të gjata, stil të cilit i dha fund në fillim të këtij viti, duke i ndryshuar flokët e saj në të shkurtra.
Disa muaj më parë, u publikua edhe një artikull në mediat vendore, duke treguar ngjashmërinë e një tjetër vajze me Duan, e cila ishte modelja Brittany Xavier.
Në imazhet e publikuara në rrjetin social Instagram, vajza nga Tirana ngacmohet nga komentuesit me pyetjen “A je ti Dua?”.
Ndërkohë, në shumë prej komenteve është etiketuar edhe vet Dua Lipa, me shpresën për ta parë vajzën që i ngjason aq shumë. /Telegrafi/
