Policia e Kosovës ka nisur hetimet për vdekjen e një personi në Prishtinë.
Sipas raportit të Policisë së Kosovës, trupi i pajetë është gjetur në Rrugën “Tirana”, në kryeqytet.
Me urdhër të prokurorit, trupi i pajetë i viktimës është dërguar në Institutin e Mjekësisë Ligjore për Obduksion.
“Rr. Tirana, Prishtinë 07.02.2022 – 16:24. Është raportuar se një mashkull kosovar është gjetur i shtrirë në rrugë pa shenja jete. Ekipi mjekësor dhe njësitë policore kanë dalë në vendin e ngjarjes dhe nga mjeku është konstatuar vdekja e viktimës. Me urdhër të prokurorit trupi i pa jetë i viktimës është dërguar në IML për obduksion”, thuhet në raport. /Telegrafi/