Një grua e gjetur e vdekur në shtëpinë e saj në një zonë të largët malore ishte viktimë e sulmit të parë fatal të ariut të zi në Kaliforni, kanë njoftuar zyrtarët e kafshëve të egra.
Bëhet e ditur se trupi i Patrice Miller është zbuluar në pronën e saj në Sierra Nevada.
“Dukej se ariu kishte qenë atje disa ditë dhe ishte ushqyer me mbetje”, tha oficeri Mike Fisher.
Një autopsi dhe testi i ADN-së konfirmoi së fundmi se ariu kishte vrarë 71-vjeçaren, shkruan skynews, përcjell Telegrafi.
“Ky incident është sulmi i parë i njohur, i dokumentuar fatal nga një ari i zi në historinë e Kalifornisë”, tha në një deklaratë Departamenti i Kalifornisë për Botën e Egër.
Fillimisht mendohej se zonja Miller e cila jetonte në qytetin e vogël Downieville kishte vdekur para se ariu të vinte dhe kafsha ishte joshur nga aroma e saj.
Ndryshe, arinjtë që hyjnë në shtëpi në kërkim të ushqimit janë bërë problem në shtetin amerikan. /Telegrafi/