Një femër ka raportuar se në banesë e kishte gjetur një person (femër) të shtrirë në tokë pa vetëdije.
Sipas raportit 24 orësh të Policisë së Kosovës, ngjarja ka ndodhur të premten rreth orës 13:31 në rrugën “Jakov Xoxa”, në Prishtinë.
Siç thuhet në raport, mjeku ka konstatuar vdekjen e viktimës.
“Dëshmitarja femër kosovare ka raportuar se, në banesë e kishte gjetur viktimën të shtrirë në tokë pa vetëdije. Në vendin e ngjarjes kanë dalë njësit relevante policore dhe ekipi i ndihmës së shpejtë, ku mjeku ka konstatuar vdekjen e saj”, thuhet në raport.
Ndërkaq, lidhur me rasti është njoftuar prokurori i cili ka urdhëruar që trupi i pajetë i viktimës të dërgohet në IML për obduksion. /Telegrafi/