Zyrtarët policor të stacioneve dhe njësiteve të Drejtorisë Rajonale të Policisë në Prishtinë gjatë javës së parë të janarit kanë shoqëruar në stacione policore pesë persona të cilëve u janë sekuestruar pesë armë zjarri dhe municion.
Sipas një njoftimi të Policisë së Kosovës sekuestrimi është bërë në lokacione dhe raste të ndryshme.
“Personave të dyshuar u është iniciuar rast për mbajtje në pronësi, kontroll ose posedim të pa autorizuar të armëve dhe në konsultim me prokurorin e shtetit, katër nga ta janë liruar në procedurë të rregullt, ndërsa njëri nga të dyshuarit i cili dyshohet edhe për përdorim të armës, është dërguar në mbajtje për 48 orë”, thuhet në njoftim. /Telegrafi/
