Një aeroplan i British Airways pësoi një plasje të xhamit të përparmë kur një copë akulli ra nga një aeroplan tjetër që fluturonte më lart tij.
Kjo edhe kishte shkaktuar një vonesë për pasagjerët që nuk mund të ktheheshin në Britani të Madhe për Krishtlindje.
Sipas mediave të huaja, përcjell Telegrafi, Boeing 777 po fluturonte nga Londra në Kosta Rika në rreth 10 mijë metra lartësi kur akulli goditi xhamin e tij në një ‘shans një në një milion’.
Pilotët ishin në gjendje të fluturonin me aeroplanin në San Jose, por riparimet kishin nevojë për kohë më të gjatë, diçka që ndikoi te 200 pasagjerë që do të ktheheshin në Londër në prag të Krishtlindjeve.
Fluturimi i tyre u riplanifikua për të nesërmen në mbrëmje, por dështimi për të marrë një aeroplan të devijuar nga Xhamajka do të thoshte se ata u detyruan të kalonin një natë tjetër në hotelin e aeroportit, duke u larguar më në fund – 50 orë pas planit. /Telegrafi/