Në Gjakovë janë duke vazhduar kërkimet për gruan që ditën e premte është hedhur nga ura e Fshajt.
Policia bën të ditur se gruaja ka rënë nga ura e Fshajt rreth orës 10:03, transmeton Telegrafi.
“Fshati Fshaj, Gjakovë 16.06.2023 – 10:03. Dëshmitari mashkull kosovar, ka njoftuar se një femër është hedhur nga Ura e Fshajt në lumë, trupin e viktimës e ka rrëmbyer uji dhe akoma nuk është gjetur”, bën të ditur Policia.
Lidhur me rastin janë njoftuar të gjitha njësitë relevante policore, zjarrfikësit, njësiti për kërkim-shpëtim dhe prokurori.
Në njoftimin e bërë për media thuhet se rasti është duke u hetuar. /Telegrafi/