Përmes një letre të hapur të publikuar në rrjetet sociale, Gigi Hadid ka kërkuar nga paparacit dhe fansat që me rastin e publikimit të fotografive ta turbullojnë fytyrën e vajzës së saj, në mënyrë që të ruhet privatësia e fëmijës.
Manekinia e njohur ka thënë se dëshiron që vajza dhjetëmuajshe e saj të shohë fytyrat e njerëzve kur shëtitet rrugëve të New Yorkut, mirëpo nuk dëshiron që ajo të përfshihet në “cirkun mediatik” për faktin që prindërit e saj janë të famshëm.
Prej se u bënë prindër në shtator të vitit të kaluar, Hadid dhe Zayn Malik janë kujdesur që të mos e shfaqin fytyrën e vajzës në rrjetet sociale, derisa shfrytëzojnë edhe mbulesa për karrocën kur dalin jashtë, ashtu që të mos shihet fytyra e Khai.
Meqenëse ligjet për paparacit ndryshojnë në shtetet e ndryshme në Amerikë, Gigi ka kërkuar që së paku të bëhet e turbullt fytyra e vajzës në fotografi.
“Dëshira jonë është që ajo të zgjedhë vet si ti prezantohet botës kur të jetë në moshë të rritur dhe të ketë fëmijëri sa më normale, pa u shqetësuar për imazhin publik, të cilin nuk e ka zgjedhur”, ka thënë mes tjerash Hadid. /Telegrafi/
Gigi Hadid issues letter to the paparazzi, press and fans, asking them to respect the privacy of newborn daughter Khai.
“Our wish is that she can choose how to share herself with the world when she comes of age, and that she can live as normal of a childhood as possible…” pic.twitter.com/Wj5ZN5IVNF
— Pop Base (@PopBase) July 6, 2021