Hiteve të verës 2018 do t’i shtohet edhe një këngë tjetër.
Dy rap-artistët Getoar Selimi dhe Majk kanë paralajmëruar se së shpejti do të sjellin një duet të ri.
Lajmin për këtë e bëri të ditur vet Ghetto Geasy përmes një fotografie të publikuar në rrjetin social Instagram.
Fotografia përmban logot e disa markave të njohura tregtare si: “Gucci”, “Rolex”, “Prada”, “Calvin Klein”, “Dior” etj.
Dyshja në fjalë kanë sjellë edhe më herët bashkëpunime, të cilat janë cilësuar si shumë të suksesshme.
“S’jena mo” është një hit absolut i verës 2015, teksa edhe në vitin 2016 ata publikuan “Ajo”, një tjetër këngë që u prit mirë nga fansat.
Mbetet të shihet se sa do të mirëpritet bashkëpunimi i tyre i tretë. /Telegrafi/
