Ditën e djeshme (e hënë) u raportua që vëllezërit e njohur, Getinjo dhe Mozzik, u përfshinë në një aksident trafiku.
Siç u tha, aksidenti ndodhi në Ferizaj dhe pati vetëm dëmtime materiale.
Reperët shqiptarë duket se janë në gjendje të mirë shëndetësore dhe se nuk kanë pësuar lëndime trupore.
Së fundmi Getoar Aliu (emri i vërtetë) ka konfirmuar raportimet duke publikuar pamje të makinës së aksidentuar.
Vetura e tipit Mercedes Brabus shihet se është dëmtuar në pjesën e pasme.
“Për mësysh”, ka shkruar ai.
Të njëjtit ndërkohë po vazhdojnë me angazhimet e tyre në muzikë, marrë parasysh që janë shumë të pëlqyer në tregun shqiptar. /Telegrafi/