Geta Beqa është e njohur për trupin e formësuar, për të cilin ka marrë edhe çmime ndërkombëtare.
Kohë pas kohe instruktorja e fitnesit, e cila e ka provuar veten edhe si këngëtare dhe aktore, publikon fotografi në rrjetet sociale duke vënë në pah linjat e saj.
Gjatë të shtunës, Geta e ka publikuar një imazh nga plazhi, ku shfaqet me bikini në një pozë të bërë nga prapa.
“Më mungon vera gjatë ditëve me shi”, ka shkruar ajo në përshkrimin e fotografisë.
Ditë më parë, Geta arriti të fitojë vendin e parë në ‘Bikini Wellness Fitness’, në garën e zhvilluar në Barcelonë të Spanjës.
Në konkurrencë me të ishin 33 femra, mirëpo ‘bodybuilderja’ shqiptare arriti të triumfojë dhe të nderohet me medaljen e artë.
Kujtojmë që në të kaluarën, Geta ka realizuar një duet me Getoar Selimin (“Më ngat meje”), ndërsa ka luajtur edhe në skeçe humoristike me Sevdai Radogoshin. /Telegrafi/
