Ministrja e Punëve të Jashtme dhe Diasporës, Donika Gërvalla, gjatë qëndrimit në Shtetet e Bashkuara të Amerikës, ka takuar sot Sekretarin amerikan të Shtetit, Antony Blinken.
Përmes një postimi në Twitter, Gërvalla tha se me Blinken ka zhvilluar një bashkëbisedim “të përzemërt” lidhur me situatën në Ballkanin Perëndimor dhe të ardhmen euro-atlantike të Kosovës.
“Shumë e inkurajuar nga një bashkëbisedim i besueshëm, kuptimplotë dhe i përzemërt me Sekretarin Amerikan të Shtetit, Antony Blinken, për sigurinë, bashkëpunimin në Ballkan dhe të ardhmen euro-atlantike të Kosovës”.
“Gjithmonë do ketë një lidhje të vecantë mes SHBA-së dhe Kosovës. S’do mund të kemi mik më të besueshëm. Faleminderit Blinken”, ka shkruar kryedipomatja.
Gërvalla po qëndron në SHBA me ftesë të sekretarit Blinken, ku po merr pjesë në “Summit of the Americas”, që po mbahet në Los Angeles./Telegrafi/
Very encouraged by a trustful, meaningful and cordial exchange with 🇺🇸 @SecBlinken about security and cooperation in the Balkans and the Euro-Atlantic future of Kosova. There will always be a special 🇺🇸 – 🇽🇰 bond – we couldn’t have a truer friend! Thank you, Anthony Blinken. pic.twitter.com/YhjYdBReB1
— Donika Gërvalla-Schwarz (@gervallaschwarz) June 10, 2022