Legjenda e Liverpoolit, Steven Gerrard ka rënë dakord në një marrëveshje për tu bërë menaxher i ri i skuadrës së madhe skoceze, Rangers.
Ditëve të fundit është përfolur shumë për një kalim të legjendës angleze në krye të stolit të Rangers dhe tani si duket kanë ardhur edhe konfirmimet.
Sipas mediumit britanik Sky Sports News, Gerrard ranë dakord gjatë mbrëmjes së të enjtes për një marrëveshje me klubin skocez.
Ky medium raporton gjithashtu se anglezi ka arritur marrëveshje për një kontratë tre-vjeçare me Gers.
Gerrard gjithashtu mendohet se ka zgjedhur edhe ndihmësin e tij, i cili mendohet se do të jetë Gary McAllister.
RANGERS LATEST: Steven Gerrard is expected to arrive in Glasgow later today to sign a three-year contract as Rangers manager. #SSN
— Sky Sports News (@SkySportsNews) May 4, 2018
❓RIGHT MOVE FOR GERRARD❓#LFC U18s ➡️ Rangers https://t.co/t0HT2WztRw
— Sky Sports PL (@SkySportsPL) May 4, 2018
Legjenda angleze arrin si pasues i menaxherit të përkohshëm, Graeme Murty, i cili u shkarkua më parë këtë javë pasi klubi pësoi humbje 5-0 kundër rivalëve të urryer të Celticut.
Rangers kanë luftuar për të konkurruar me Celticun gjatë viteve të fundit dhe aktualisht janë të tretët në renditjen e Premierishipit Skocez dhe 13 pikë pas Bhoys.
Ndryshe, kjo do të jetë pozita e parë menaxhuese e Gerrardit në kohë të plotë. Ai kishte shërbyer si trajner i Akademisë së Liverpool që nga prilli i vitit të kaluar. /Telegrafi/