Ministri kroat i Punëve të Jashtme, Gordan Gërliç – Radman në një intervistë ka deklaruar se Maqedonia ka plotësuar kriteret për të nisur rrugëtimin e saj evropian, por pritet një gatishmëri nga Bullgaria që ta ndihmoj dhe lehtësoj këtë rrugëtim në interes gjeostrategjik.
“Maqedonia e Veriut është gati, të gjitha kushtet janë të plotësuar për fillimin e negociatave për anëtarësim por presim gatishmëri nga Republika e Bullgarisë për të gjetur një zgjidhje të përbashkët. Të gjitha çështjet që do të hapen më vonë mund të zgjidhen paralelisht”, tha në një intervistë për Agjencionin Informativ të Maqedonisë, ministri kroat, Gordan Gërliç – Radman.
Sipas tij, “tani është shumë e rëndësishme që të fillojnë negociatat e anëtarësimit në mënyrë që të dërgohet një mesazh i rëndësishëm politik për vendet e Ballkanit Perëndimor, se BE-ja është e gatshme të zgjerohet dhe të bëj anëtarësime të reja, se Ballkani Perëndimor është pjesë e hapësirës evropiane dhe është hapësirë e rëndësishme gjeopolitike dhe gjeostrategjike”.
Ai tha për se ka aludime se ende është e mundur që më 23 qershor të mbahet një konferencë ndërqeveritare e Maqedonisë së Veriut me BE-në dhe se kjo do të jetë një hap pozitiv përpara, pasuar me harmonizim dhe marrëveshje ndërmjet Maqedonisë së Veriut dhe Bullgarisë me mbështetjen e BE-së.
“17 vjet më parë Maqedonia e Veriut ishte gati, por kishte disa çështje të hapura, tani ngeli vetëm kjo veto me Bullgarinë. Tani kjo është vendosur! Në ndërkohë, Republika e Maqedonisë së Veriut ka arritur shumë në drejtim të demokratizimit të shoqërisë, reformave, shoqërisë civile, marrjes së vlerave evropiane, gjë që është shumë e dukshme, ka një rritje të qëndrueshme ekonomike dhe natyrisht orientim pro-evropian të të gjitha partitë politike dhe qytetarëve drejt anëtarësimit në Bashkimin Evropian. Pra, hapja e negociatave do të forconte edhe më tej besimin në BE dhe më duket se në krahasim me hulumtimet e mëparshme, ka pak më shumë euroskeptikë pasi pritjet e qytetarëve ishin gjithmonë të larta nga BE-ja, dhe tani duhet të dërgohet një mesazh vërtet i fortë, që BE-ja ishte këtu në fillim, duhet të besoni në BE, do të jetë një ndihmës i madh”, tha Gërliç – Radman.
Ai tha se vetë investimet e BE-së në Maqedoni janë tregues korrekt se sa rëndësi ka Maqedonia për Unionin, prandaj pret që të punohet intensivisht dhe më datë 23 qershor Maqedonia të del fituese.